ليه دايما البنت لازم تشيل غلطتها وغلطت غيرها ؟؟ انا مش بدافع عن البنات ولا بقول انهم ملايكه دايما بس اللى بيحصل كالاتى اى ولد يلعب بمشاعر اى بنت وعواطفها يجيب اللوم عليها ويقول هى عاوزة كده انا مليش ذنب هى عاجبها كلامى انا مالى بقى؟ وتلاقى الولد يقول اصل البنات عندهم حرمان عاطفى ونقص وعاوزين يعوضوا النقص اللى عندهم عاوزين يحسوا انهم مرغوب فيهم وفى حد بيعبرهم وخصوصا علاقات النت . ازاى واحد ضميره يسمحله انه يلعب بعواطف انسان زيه ؟ للدرجه دى مشاعر الناس مبقلهاش قيمه ؟ للدرجه دى الضمير انعدم ؟ للدرجه دى قلوب الناس بقت حجر؟ مبقاش فى حاجه اسمها حب خلاص؟ مفيش حد عارف يحب حد من قلبه ؟ على كده بقى اى اتنين بيتجوزوا بيتجوزوا من غير حب ولا مشاعر زى الجماد؟
انا كلمت واحد مرة فى شاتنج وحكالى عن البنات اللى يعرفهم فى حياته .لقيته انسان عندهم كميه غش رهيبه بيكلم كل واحده ويوهمها بالجواز والحب ويسمعها كلام غايه فى الروعه ويكون بيكلم غيرها فى نفس الوقت وبيقول لها نفس الكلام اللى قاله لغيرها ولما اتناقشت معاه قالى البنات دى تستاهل كده !!!مع ان عنده اخوات بنات وكمان خاطب ومرتبط وبيحب خطيبته جدا بس نقول ايه اللى فى داء بقى ياترى الناس اللى هتقرا الموضوع ده رايهم فيه ايه ؟ انتوا مع مين ؟ مين اللى غلطان ؟ البنت اللى صدقت وسلمت عواطفها فى يد من لايرحم بحجه انها تستاهل ؟ ولا الولد اللى بيتسلى ؟ ولو فرضنا انها غلطت البنت بس ليه الولد ميقاومش نفسه ويكون صوت ضميره اقوى ؟
_________________
بين ا لقلب والقلب....... تبعد المسافات
ويربطنا بالماضي ................ حلو الذكريات
وينبض القلب ويحن ................... للأيام ماضيات
أيام بالحب تدفئ .................... والعيون من الفرح ضاحكات
مـــــــــــــــــــــــــــــحـــــــــــــــــــــــــمــــــــــــــــد&نـــــــــــــــــــهـــــــــــــــــــــــــــال